49 პირს ღირსების ორდენები გადაეცა
31.05.12 14:05
პრეზიდენტის განკარგულებით, ქუთაისში, პარლამენტის ახალი შენობის მშენებლობაში შეტანილი განსაკუთრებული წვლილისათვის, საქართველოს რეგიონული განვითარებისა და ინფრასტრუქტურის მინისტრმა რამაზ ნიკოლაიშვილმა ღირსების ორდენები და მედლები 49 პირს გადასცა.
რამაზ ნიკოლაიშვილმა კონტრაქტორი კომპანიების ხელმძღვანელ პირებსა და თანამშრომლებს, ასევე სამინისტროსა და მისი საქვეუწყებო სამსახურების წარმომადგენლებს თავდაუზოგავი შრომისათვის მადლობა გადაუხადა და აღნიშნა, რომ ეს ჯილდოები დიდი პასუხისმგებლობა და უკეთ მუშაობის სტიმულია.
სამშენებლო სამუშაოებზე 2000-მდე ადამიანია დასაქმებული, რომელთა უმრავლესობაც ადგილობრივი მოსახლეა. პარლამენტის ახალი შენობის მშენებლობას კოორდინაციას უწევს საქართველოს რეგიონული განვითარებისა და ინფრასტრუქტურის სამინისტრო.
|
