ქდმ-ის წევრებმა გარდაცვლილი გმირები გაიხსენეს
08.08.12 12:48
ქართველი გმირების ხსოვნას პატივი მიაგეს "ქრისტიან-დემოკრატიული მოძრაობის" ლიდერებმა. მათ სენაკში გვირგვინით შეამკეს ჟიული შარტავას ძეგლი.
დაღუპულთა ხსოვნას მიეძღვნა სენაკში გამართული დოღი, რომელიც ტრადიციულია და ყოველ წელს ქრისტიან-დემოკრატების ინიციატივით იმართება. დოღში სენაკის რაიონის რამდენიმე სოფლის ახალგაზრდობა მონაწილეობდა. გამარჯვებულები მედლებითა და სიგელებით დაჯილდოვდნენ.
"სენაკი ასევე გახლდათ ეპიცენტრი 2008 წლის საბრძოლო მოქმედებების. სენაკი დაიბომბა, სამეგრელო დაიბომბა. აქ დაიღუპნენ ადამიანები. მათ შორის არა მხოლოდ სამხედრო პირები, არამედ მშვიდობიანი მოქალაქეები. პატივი მივაგეთ მათ ხსოვნას და მათთან ერთად ვილოცეთ იმისთვის, რომ საქართველოს ომი არასოდეს დასჭირვებოდეს, მაგრამ თუკი ამის აუცილებლობა გაჩნდება, მთელი საქართველო, სამეგრელოსთან ერთად, შეკრული და ერთიანი ყოფილიყოს საქართველოს მთლიანობის დასაცავად," - თქვა "ქრისტიან-დემოკრატიული მოძრაობის" ლიდერმა გიორგი თარგამაძემ.
|
