პუტინის სკანდალური აღიარება
08.08.12 20:24
რუსეთ-საქართველოს ომის მეოთხე წლისთავზე ვლადიმერ პუტინი მორიგ სკანდალურ განცახდებას აკეთებს და აღიარებს, რომ სამხედრო ოპერაციის გეგმა გენშტაბში ჯერ კიდევ 2006-2007 წლებში მომზადდა და მან ის პირადად დაამტკიცა.
ეს ის პერიოდია, როდესაც ვლადიმერ პუტინი რუსეთის პრეზიდენტის პოსტს მეორე ვადით იკავებდა.
რუსეთის პირველი პირი პირველად აცხადებს, რომ გეგმის ფარგლებში მოსკოვი ცხინვალის რეგიონში შეიარაღებულ დაჯგუფებებს ამზადებდა.
"გეგმა გენერალურმა შტაბმა მოამზადა დაახლოებით 2006 წლის ბოლოს, 2007 წლის დასაწყისში და ის მე დავამტკიცე. ამას გარდა, ამ გეგმის ფარგლებში მიმდინარეობდა სამხრეთ ოსეთის შეიარაღებული დაჯგუფებების მომზადება. მართალია, ჩვენი სამხედრო სპეციალისტები მიიჩნევდნენ, რომ ეს უსარგებლო საქმე იყო და ისინი ვერ გაუწევდნენ წინააღმდეგობას ნებისმიერი ქვეყნის რეგულარულ არმიას, მათ შორის ისეთი პატარა ქვეყნისა, როგორიც საქართველოა. ამის მიუხედავად, აღმოჩნდა, რომ ეს ადამიანები საკმაოდ მომზადებულები აღმოჩნდნენ და ვაჟკაცურად იცავდნენ საკუთარ სამშობლოს სამი დღე-ღამის განმავლობაში, ვიდრე რუსული არმია დაეხმარებოდა.
ამ გეგმის ფარგლებში, მობილიზებული იყო ტექნიკა და ასე შემდეგ. ასე რომ, აქ საიდუმლო არაფერია, ჩვენ ამაზე ადრეც გვისაუბრია. რაც შეეხება ზარებს, დიახ, მე პეკინიდან ორჯერ დავუკავშირდი დიმიტრი მედვედევს 7 და 8 რიცხვებში და თავდაცვის მინისტრსაც. ჩენ განვიხილეთ ეს პრობლემა," - განაცხადა პუტინმა.
|
