წარჩინებული სამხედროები დააჯილდოვეს
11.08.12 16:21
მესამე ქვეითი ბრიგადის 31-ე და 33-ე ბატალიონების აისაფის მისიაში მონაწილე სამხედროები სხვადასხვა სახის სახელმწიფო და უწყებრივი მედლებით დაჯილდოვდნენ.
ნატოს სამშვიდობო მისიაში მონაწილე 592 ჯარისკაცს, სამშობლოს წინაშე გაწეული ღვაწლისთვის, სპეციალური მედალი ,,სამშვიდობო ოპერაციებში მონაწილეობისთვის’’ გადაეცათ.
ვახტანგ გორგასლის II ხარისხის ორდენით დაჯილდოვდა კაპიტანი პაატა ნაკანი, ხოლო ბორის ჩარქსელიანს, აკაკი ნადირაძესა და ზაზა გორგოძეს ვახტანგ გორგასლის სახელობის III ხარისხის ორდენები გადაეცათ.
წარმატებული სამხედროები თავდაცვის მინისტრმა და შეიარაღებული ძალების გაერთიანებული შტაბის ხელმძღვანელობამ დააჯილდოვა.
ასევე დაჯილდოვდნენ ვიცე-პოლკოვნიკი შალვა ძინძიბაძე, ვიცე-პოლკოვნიკი დავით გვალია და უფროსი ლეიტენანტი გიორგი ჯალაღონია. მათ მედლები „მხედრული მამაცობისთვის“ გადაეცათ.
|
