ცესკოში დიპლომატებთან შეხვედრა გაიმართა
16.08.12 17:33
ცენტრალურ საარჩევნო კომისიაში დიპლომატებთან შეხვედრა გაიმართა. კომისიის თავმჯდომარემ საერთაშორისო ორგანიზაციებისა და დიპლომატიური კორპუსის წარმომადგენლებს წინასაარჩევნო სამზადისის მიმდინარეობა გააცნო.
შეხვედრა ცესკოში დახურულ კარს მიღმა გაიმართა. როგორც ჟურნალისტებს ცესკოს პრესსპიკერმა, ეკა აზარაშვილმა, განუცხადა, შეხვედრაზე ყველა ის საკითხი განიხილეს, რაზეც ცესკო წინასაარჩევნოდ მუშაობს.
"საუბარი იქნება იმ ღონისძიებებზე, რომელიც დაგეგმილია წინასაარჩევნოდ, სამზადისი უკვე დიდი ხანია მიმდინარეობს. კონკრეტულად კი, საუბრის თემები იქნება პოლიტიკური პარტიების რეგისტრაციის საკითხი, რიგითი ნომრების მინიჭება, მედიისა და საერთაშორისო სადამკვირვებლო ორგანიზაციების აკრედიტაციის პროცესი. ჩვენ მზად ვართ, ვუპასუხოთ ყველა კითხვას და ვითანამშრომლოთ ყველა ამ მხარესთან იმისთვის, რომ გაუმჯობესდეს საარჩევნო გარემო," - აღნიშნა ეკა აზარაშვილმა.
შეხვედრას საქართველოში აკრედიტებული დიპლომატიური კორპუსისა და საერთაშორისო ორგანიზაციების 15-მდე წარმომადგენელი ესწრება.
|
