მემორანდუმი ადმინისტრაციული რესურსების გამოყენების შესახებ
16.08.12 20:56
როგორ უნდა მოხდეს ადმინისტრაციული რესურსების გამოყენება წინა საარჩევნო პერიოდში, – ამ ნორმების დასაზუსტებლად, საგანგებოდ შემუშავდა მემორანდუმი, რომელსაც ცენტრალურმა საარჩევნო კომისიამ, ადგილობრივმა არასამთავრობო ორგანიზაციებმა და უწყებათაშორისმა კომისიამ მოაწერეს ხელი.
სწორედ ამ დოკუმენტით იხელმძღვანელებს სხვადასხვა ინსტანცია, მათ შორის სასამართლო ადმინისტრაციულ რესურსებთან დაკავშირებული საკითხების განხილვისას.
მემორანდუმი შემუშავდა საარჩევნო ადმინისტრაციისა და არასამთავრობო ორგანიზაციების პერმანენტული სამუშაო შეხვედრების საფუძველზე, რომლებსაც "საარჩევნო სისტემების საერთაშორისო ფონდი (IFES)" უწევს ორგანიზებას.
ურთიერთთანამშრომლობის ამგვარი დოკუმენტი, ადმინისტრაციული რესურსის გამოყენების თაობაზე, გაფორმდა 2008 და 2010 წლების წინასაარჩევნო პერიოდშიც.
|
