ლაგოდეხში აკვაპარკი გაიხსნება
17.08.12 20:12
ერთ წელიწადში ლაგოდეხში აკვაპარკი უნდა გაიხსნას. კომპლექსის მშენებლობას საფუძველი დღეს ჩაეყარა. სამშენებლო სამუშაოების დაწყებას პრემიერ–მინისტრი დაესწრო.
ვანო მერაბიშვილმა ხაზი გაუსვა, რომ რეგიონში, სადაც ტურისტების ნაკადი წლიდან წლამდე იზრდება, დასასვენებელ-გასართობი ინფრასტრუქტურის განვითარება ძალიან მშნიშვნელოვანია.
აკვაპარკი ყოფილი სამხედრო ბაზის ტერიტორიაზე მოეწყობა. წყლის სასრიალოებთან და აუზებთან ერთად, უნდა აშენდეს სპორტული მოედნები, ბუნგალოები, საბანკეტო დარბაზი, რესტორანი, მომავალში კი აქ სასტუმროს მშენებლობაც იგეგმება. პროექტი ერთი მილიონი ლარი დაჯდება.
პრემიერ-მინისტრი, სოფელ ვაჩნაძიანში სტიქიით დაზარალებული კახეთის მოსახლეობისთვის კომპენსაციების დარიგების პროცესსაც გაეცნო. ვანო მერაბიშვილმა თვითონაც მიიღო მონაწილეობა ფულადი კომპენსაციების განაწილებაში.
|
