ფეხბურთის ფედერაციის პრეზიდენტის განცხადებას
05.05.11 18:09
ფეხბურთის ფედერაციის პრეზიდენტი სპეციალური განცხადება გააკეთა მატჩების დროს მომხდარი ხულიგნობისა და რამდენიმე დღის წინ მომხდარი სკანდალის შესახებ, რომელიც გარიგებულ თამაშებს ეხება.
ფეხბურთის ფედერაციის პრეზიდენტმა ზვიად სიჭინავამ, გააფრთხილა ფეხბურთელები, რომ ნებისმიერი ხულიგნური საქციელი დაისჯება. მისი თქმით, გამკაცრდება სანქციებიც.
გარიგებულ თამაშებზე ლაპარაკისას სიჭინავამ განაცხადა, რომ სპეციალური კომისია ძიებას განაგრძობს და შედეგების გაცნობის შემდეგ გარიგებაში ჩართული ფეხბურთელები "უეფასა" და "ფიფას" რეგლამენტის შესაბამისად დაისჯებიან.
როგორც ცნობილია, ზესტაფონის დავით აბაშიძის სახელობის სტადიონის ერთ-ერთი სექტორი მთლიანად განადგურებულია. `ზესტაფონისა` და ქუთაისის `ტორპედოს` შეხვედრის მსვლელობისას გულშემატკივრებმა 300-მდე სკამი დაამტვრიეს. გულშემატკივარმა სტადიონის გარეთ სამარშრუტო მიკროავტობუსებსაც დაუშინეს ნივთები.
2 მაისს კი კონსტიტუციური უსაფრთხოების დეპარტამენტმა "სამტრედიის", "ბაიასა" და "ვიტ-ჯორჯიას"ფეხბურთელები დააკავა, თუმცა მოგვიანებით, დაკითხვის შემდეგ ისინი გაათავისუფლეს. ირკვევა, რომ ეროვნული ჩემპიონატის რამდენიმე თამაშის შედეგზე ისინი ტოტალიზატორების წარმომადგენლებთან წინასწარ იყვნენ გარიგებული.
|
