ივანიშვილი 10 მილიონ ლარს საბიუჯეტო ანგარიშზე გადარიცხავს
21.07.12 13:35
სტიქიით დაზარალებული მოსახლეობის დასახმარებლად, ბიძინა ივანიშვილი 10 მილიონ ლარს საბიუჯეტო ანგარიშზე გადარიცხავს, რომელიც მას სასამართლომ ჯარიმის სახით მიუთითა. ”ქართული ოცნების” ლიდერის განცხადება მაია ფანჯიკიძემ ბრიფინგზე წაიკითხა.
`მე მივიღე გადაწყვეტილება და ამ ეტაპზე 10 მილიონ ლარს ვრიცხავ სასამართლოს მიერ მითითებულ საბიუჯეტო ანგარიშზე. სტიქიით მიყენებული ზარალის სრულად დათვლის შემდეგ, სახელმწიფო ბიუჯეტში ამავე მექანიზმის გამოყენებით, გადავრიცხავ იმდენ თანხას, რამდენიც საჭირო გახდება,`- ნათქვამია ივანიშვილის განცხადებაში.
ბიძინა ივანიშვილის განცხადებას უმრავლესობის ლიდერმა პეტრე ცისკარიშვილმა უპასუხა. მისი თქმით, ფინანსური თვალსაზრისით, ეს არის ზღვაში წვეთი და ეს თანხა ამინდს ვერ შექმნის, რადგან სტიქიით მიყენებული ზარალისა და ზიანის აღმოფხვას სჭირდება გაცილებით მეტი, ხოლო პოლიტიკური თვალსაზრისით, ცისკარიშვილის შეფასებით, ეს ამორალური შემოთავაზებაა, რადგან პოლიტიკოსებს დაზარალებული ადამიანების ბედით ვაჭრობა მხოლოდ წინასაარჩევნოდ სურთ.
|
