პრეზიდენტმა დაღუპულ გმირებს პატივი მიაგო
08.08.12 15:17
რუსული ინტერვენციიდან ოთხი წელი გავიდა. საქართველოში გლოვის დღეებია. ქვეყნაში რუსული აგრესიის და ოკუპაციის შედეგებს იხსენებენ.
2008 წლის რუსეთ-საქართველოს ომის დროს დაღუპულებს დღეს პატივი მუხათგვერდის სასაფლაოზე მიაგეს. ქვეყნის უმაღლესმა მთავარსარდალმა, სრულიად საქართველოს კათოლიკოს-პატრიარქთან ერთად, გვირგვინით შეამკო გმირა მემორიალი.
მიხეილ სააკაშვილთან ერთად მუხათგვერდის სასაფლაოზე იმყოფებოდა ქვეყნის პირველი ლედი, რომელიც დაღუპული მებრძოლების ოჯახის წევრებს შეხვდა და მათ მხნეობა და გამძლეობა უსურვა.
ცერემონიალს ესწრებოდნენ თავდაცვის მინისტრი, უწყების წარმომადგენლები და გაერთიანებული შტაბის ხელმძღვანელი.
კრემლის აგრესიული პოლიტიკის შედეგად, საქართველომ 168 სამხედრო, 16 პოლიციელი და 188 მშვიდობიანი მოქალაქე დაკარგა.
|
