პუტინი ევრაზიული კავშირის შექმნის შესახებ
12.04.12 11:19
ვლადიმერ პუტინი ევრაზიული კავშირის შექმნას საბჭოთა კავშირის დაშლის შემდეგ უმნიშვნელოვანეს გეოპოლიტიკურ და ინტეგრაციულ მოვლენად მიიჩნევს, ამიტომ ახალი საბაჟო-ეკონომიკური კავშირის ჩამოყალიბება მომდევნო 3 წლის ვადაში, მისი პრეზიდენტობის 5-პუნქტიან სიაშიც მოხვდა.
ამის შესახებ მან დუმის დეპუტატებთან სიტყვით გამოსვლისას განაცხადა. პუტინმა იმედი გამოთქვა, რომ კავშირს მალე სხვა პარტნიორებიც შეუერთდებიან და დაამატა, რომ მხოლოდ ამგვარი გაერთიანების გზით შეიძლება დღევანდელ გეოპოლიტიკურ პრობლემებთან გამკლავება.
მესამე საპრეზიდენტო ვადის ოფიციალურად ძალაში შესვლამდე პრემიერმა ახალი ინიციატივაც გააცნო დუმის დეპუტატებს. კონსტიტუციური ცვლილებების მიხედვით, რუსეთის ნებისმიერ მოქალაქეს შეეძლება გახდეს პრეზიდენტი მხოლოდ ორი ვადით. ამ შემთხვევაში კი, ავტომატურად, ერთადერთ გამონაკლისად თავად პუტინი დარჩება. შეგახსენებთ, რომ მისი ინაუგურაცია 7 მაისს იგეგმება, რისთვისაც სამზადისი კრემლში უკვე დაწყებულია. ცერემონიალზე არ არის მიწვეული არც ერთი ქვეყნის ლიდერი.
|
