კობიაშვილს ერთწლიანი დისკვალიფიკაცია ემუქრება
31.05.12 11:05
გერმანიის საფეხბურთო კავშირის სადისციპლინო კომისია ლევან კობიაშვილის ერთი წლით დისკვალიფიკაციას ითხოვს. 34 წლის ფეხბურთელს მსაჯის, ვოლფგანგ შტარკის ფიზიკური შეურაცხყოფა ბრალდება. შტარკის განცხადებით, კობიაშვილმა მას სიტყვიერი შეურაცხჰყოფა მიაყენა და ფიზიკურადაც გაუსწორდა.
მსაჯი ამბობს, რომ კობიაშვილის მიერ მიყენებული დარტყმის შემდეგ მას სისხლჩაქცევაც გაუჩნდა. ინციდენტი დიუსელდორფის ”ფორტუნას” და ბერლინის ”ჰერტას” შეხვედრის დროს მოხდა. კობიაშვილის გარდა სადისციპლინო კომიტეტი ”ჰერტას” კიდევ სამი ფეხბურთელის დასჯას ითხოვს. კრისტიან ლელს, ანდრე მიატოვიჩს და თომას კრაფტს, რომლებმაც შტარკს სიტყვიერი შეურაცხყოფა მიაყენეს, 2-დან 6–ს მატჩამდე დისკვალიფიკაცია ემუქრებათ.
|
