საქართველოს საგარეო საქმეთა მინისტრი ესპანეთში ვიზიტის ფარგლებში მადრიდში თავის ესპანელ კოლეგას შეხვდა. გრიგოლ ვაშაძემ და ხოსე მანუელ გარსია-მარგალიომ ევროკავშირსა და ნატოში საქართველოს გაწევრიანების პერსპექტივებზე ისაუბრეს.
ნატოს ჩიკაგოს სამიტისთვის მზადების საკითხის განხილვისას მინისტრებმა შეხვედრის ფორმატზეც იმსჯელეს. ასევე ისაუბრეს, თუ როგორ აისახება საქართველოს მიერ განხორციელებული რეფორმები და ევრო-ატლანტიკური ინტეგრაციის პროცესში მიღწეული პროგრესი ნატოს დასკვნით დოკუმენტებში.
ვაშაძემ და ხოსე მანუელ გარსია-მარგალომ განიხილეს რეგიონული უსაფრთხოება, ასევე საქართველოსა და ესპანეთს შორის ორმხრივი ურთიერთობის საკითხები.
ავღანეთში დაღუპულ შვიდ ქართველ ჯარისკაცს დღეს სამხედრო პატივით დაკრძალავენ. სამგლოვიარო ცერემონიალი გორისა და მცხეთის რაიონებში, ასევე რუსთავში, ყვარელსა და მარტყოფში გაიმართება, სადაც დაღუპული ბიჭების ოჯახები ცხოვრობენ.
თბილისის სახელმწიფო უნივერსიტეტის ახალი რექტორის ვინაობა 16 აგვისტოს გაირკვევა. აკადემიური საბჭოს დადგენილებით, ამ თანამდებობის დასაკავებლად კონკურსი გუშინ გამოცხადდა.
დემოკრატიული მოძრაობა საპრეზიდენტო არჩევნებისთვის მუშაობას იწყებს. პარტიის ლიდერმა ნინო ბურჯანაძემ დღეს პარტიის თბილისის საქალაქო ორგანიზაციის ხელმძღვანელი გიგლა ბარამიძე წარადგინა. მისი თქმით, ბარამიძე საპრეზიდენტო საარჩევნო შტაბსაც უხელმძღვანელებს.
ვანოს შოუ
იუმორისტული ტოქ-შოუ ცნობილ სტუმრებთან ერთად
კომედი შოუ
უნიკალური იუმორისტული სკეტჩები, სიცილის დღესასწაული რუსთავი 2-ზე !
საკვებით მოწამლული ჯარისკაცები სამხედრო სამსახურს უბრუნდებიან. მათი მდგომარეობა დამაკმაყოფილებელია. გუშინ ქუთაისის მე-3 ბრიგადაში საკვებმა 11 ჯარისკაცი მოწამლა.
დღეს 52 პატიმარი გათავისუფლდება. ისინი ვადაზე ადრე დატოვებენ სასჯელაღსრულების დაწესებულებებს. ეს გადაწყვეტილება პირობით ვადამდე გათავისუფლების მუდმივმოქმედმა კომისიამ მიიღო.
