ბათუმში ახალი ქანდაკება დაიდგა
21.12.11 19:56
ბათუმს კიდევ ერთი ქანდაკება შეემატა. იუსტიციის სახლის მიმდებარე ტერიტორიაზე, მოცეკვავე შადრევანთან თამარ კვესიტაძის კიდევ ერთი სკულპტურა დაიდგა.
”როტაცია” - 2005 წელს შექმნილი ფიგურა უკვე გამოიფინა პარიზსა და ვენეციაში.
სიმბოლური ხასიათის ქანდაკება დროსა და წამთან ასოცირდება, თუმცა ბათუმში მან სხვა დატვირთვა შეიძინა. თეთრი ფერის მექანიკური მოძრავი ფიგურა მზესთან, ზღვის ტალღებთან და დელფინთან ასოცირდება.
ახალი ქანდაკება ავტორთან ერთად დღეს პრეზიდენტმა დაათვალიერა. მიხიელ სააკაშვილმა მას ორიგინალური და გამორჩეული უწოდა.
იუბილარი პრეზიდენტი დღეს ბათუმში მთელი დღე მილოცვებს იღებდა. მიხეილ სააკაშვილმა სხვადასხვა საჩუქარიც მიიღო, მათ შორის ხიზილალა და ჰოლანდიური ყველი. ეს პროდუქტები პრეზიდენტმა სათნოების სასადილოში მიიტანა და სოციალურად დაუცველ მოქალაქეებს გაუმასპინძლდა.
მიხეილ სააკაშვილმა მათ ახალი ინიციატივა გააცნო. სოციალურად დაუცველი ადამიანებისთვის პრეზიდენტის ფონდიდან გამოიყოფა თანხები, რომელიც მათ სტომატოლოგიურ მკურნალობას უზრუნველყოფს.
|
