ბაგრატის ტაძარი იუნესკოს სიაში რჩება
26.06.12 17:49
ბაგრატის ტაძარს იუნესკოს კულტურული მემკვიდრეობის სიიდან აღარ ამოიღებენ - ამის შესახებ განცხადება კულტურის მინისტრმა ნიკა რურუამ გააკეთა. გადაწყვეტილება იუნესკოს მსოფლიო მემკვიდრეობის კომიტეტმა მიიღო. კომიტეტის სხდომა პეტერბურგში მიმდინარეობს. ბაგრატის ტაძრის საკითხის განხილვისას კომიტეტის წევრებმა ბაგრატის ტაძრის სტატუსი არ შეცვალეს.
`რამდენიმე საათის წინ გამართული სხდომის შედეგად, საკითხი, რომ ბაგრატის ტაძარი ამოღებულ ყოფილიყო მსოფლიო მემკვიდრეობის იუნესკოს სიიდან, მოხსნილია, როგორც დაგპირდით და ამაში დიდი წვლილი მიუძღვის ქართულ დიპლომატიასაც. დღეს უკვე გადაწყვეტილია, რომ ბაგრატი იხილავს დღის სინათლეს და დაიბრუნებს იმ ბრწყინვალებას, რომელსაც ის იმსახურებს, ამაში ერთსულოვანია საქართველოს ეკლესია საქართველოს სახელმწიფოსთან,`- განაცხადა კულტურის მინისტრმა.
|
