თბილისში 26 მაისისთვის მზადება დაიწყო. აღმაშენებლის მოედანზე მონტაჟდება სცენა. აქ საქართველოს დამოუკიდებლობის დღესთან დაკავშირებით კონცერტი გაიმართება. მასში მონაწილეობას მიიღებს სუხიშვილების ნაციონალური ბალეტი, ევგენი მიქელაძის სახელობის ეროვნულ სიმფონიური ორკესტრთან ერთად. სუხიშვილები მაყურებლის წინაშე განახლებული პროგრამით წარდგებიან.
26 მაისს ქვეყნის დამოუკიდებლობის 94-ე წლისთავი აღინიშნება. საქართველომ დამოუკიდებლობა 1918 წლის 26 მაისს გამოაცხადა.
არასამთავრობო ორგანიზაცია `ჩემი საქართველოს`ლიდერი ელისო კილაძე გიორგი ფარესაშვილის პირადი ცხოვრების ამსახველი ვიდეოკადრების სკანდალთან დაკავშირებით ახალ ინფორმაციას ავრცელებს.
კობა დავითაშვილი შეურაცხყოფილია და ამაში ის ბიძინა ივანიშვილს ადანაშაულებს. დეპუტატი პრემიერის იმ განცხადებას გულისხმობს, რომელშიც ივანიშვილმა თქვა, რომ ჯანდაცვის მინისტრ სერგეენკოს მეტი წვლილი აქვს შეტანილი ქვეყნის განვითარებაში, ვიდრე დავითშვილს.
საქართველოს პრეზიდენტი ენერგეტიკის მინისტრის განცხადებას აკრიტიკებს. მიხეილ სააკაშვილისთვის მიუღებელია ნაბიჯები, რომლებიც საქართველოს კვლავ რუსეთზე ენერგოდამოკიდებულს გახდის.
ნაციონალური მოძრაობის დეპუტატი ზურაბ ჯაფარიძე ქვეყანაში ეკონომიკურ პროცესებზე შეშფოთებას გამოთქვამს და ფინანსთა მინისტრის პარლამენტში მისვლას მოითხოვს.
უნივერსიტეტები საკანონმდებლო ცვლილებებს აპროტესტებენ. ილიას უნივერსიტეტის რექტორი გიგი თევზაძე და თბილისის ივანე ჯავახიშვილის სახელმწიფო უნივერსიტეტის პროფესორი ზურაბ დავითაშვილი სთხოვენ პრეზიდენტს ვეტო დაადოს სამოქალაქო კოდექსში შეტანილ ცვლილებებს.
საქართველოს პრეზიდენტი აზერბაიჯანის პრეზიდენტს შეხვდა. ორი ქვეყნის ლიდერების აუდიენცია ბაქოში გაიმართა. მიხეილ სააკაშვილმა და ილჰამ ალიევმა საქართველო-აზერბაიჯანის ურთიერთობაზე ისაუბრეს და სამომავლო თანამშრომლობის საკითხები განიხილეს.
სკანდალური კადრების გავრცელების შემდეგ კიდევ უფრო აქტუალური გახდა საკანონმდებლო ცვლილებები პირადი ცხოვრების ხელშეუხებლობის უზრუნველსაყოფად. სამოქალაქო სექტორის წარმომადგენლები და კანონმდებლები ერთობლივად იმუშავებენ...
