სერიალი ”ჩვენი ოფისი” სიტუაციური კომედიაა. მასში მონაწილე მსახიობებს უკვე კარგად იცნობს მაყურებელი წინა სეზონებიდან და მხატვრული ფილმიდან “რაც ყველაზე ძალიან გიყვარს”. ფორმატი გამოკვეთილად იუმორისტულია. რუსთავი 2-ის ეთერში გადის ყოველდღე, შაბათ-კვირის გარდა, ექვსსაათიანი კურიერის შემდეგ, ხოლო შაბათობით კვირის განმავლობაში გასული სერიების საუკეთესო მომენტებისაგან აწყობილი სერია.

ძირითადი მოქმედება ვითარდება ჟურნალი “დეჟა ვუს” რედაქციაში, რომლის თანამშრობლებიც ამ სერიალის მთავარი გმირები არიან, მათი ამოცანაა, ჟურნალი რაც შეიძლება სკანდალური და კონკურენტუნარიანი იყოს, პარალელურად ვითარდება ამბები მათ პირად ცხოვრებაზე, საყვარელ ადამიანებზე, ყველა პერსონაჟი თავისებურად ემოციური და კომიკურია, რაც სერიალს სასიამოვნოს და სახალისოს ხდის.

პროექტის ხელმძღვანელი: მიშა მშვილდაძე
რეჟისორი: რატი რამიშვილი
როლებში: ვანო თარხნიშვილი, გიორგი კალანდაძე, გიორგი კალანდარიშვილი, თაკო აბაშიძე, ანა სანაია, გია ცინაძე, ”დრუპი”, ”შონზო”, ნინო მუმლაძე, ადელინა გოგუაძე, ეკა მახარობლიშვილი, მიშა არჯევანიძე, სოფო გრიგოლაშვილი და პატარა თორნიკე კალანდარიშვილი

სერიალი იქმნება სტუდია ”ფორმულა კრეატივის” მიერ ”რუსთავი 2-ის” ტექნიკური ბაზის გამოყენებით. სერიალის შემქმნელი შემოქმედებითი ჯგუფის მიერ გადაღებული იუმორისტული სერიალები 8 წელია აქტიურად ითვისებს ქართულ ტელესივრცეს. სერიალის გმირები ეკრანზე არიან უკვე 3 წელია. სერიალი გათვლილია მაყურებლის ყველა ასაკობრივ ჯგუფზე.