”სიცილის ზონა” ”რუსთავი 2”-ის იუმორისტული პროექტია, რომელიც შედგება მაყურებლისათვის კარგად ნაცნობ სოციალურ თემებზე შექმნილი რამდენიმე სკეტჩისგან.

გადაცემას ჰყავს ორი ძირითადი მონაწილე: ტრისტან სარალიძე (რუსთაველის თეატრისა და კინოს მსახიობი) და ბესო ბარათაშვილი (მარჯანიშვილის თეატრის მსახიობი). ასევე, საჭიროების მიხედვით, ეპიზოდურ როლებში მონაწილეობენ დამხმარე მსახიობები.

გადაცემის სცენარზე მუშაობენ ”რუსთავი 2”-ის იუმორისტული პროექტების: ”ვანო ჯავახიშვილის შოუ”, ”კომედი შოუ” და ”ქლაბ-შოუს” სცენარისტები. პროექტ ”სიცილის ზონის” გადაღებები მიმდინარეობს ქალაქის სხვადასხვა ადგილას (ქუჩა, სკვერი, სამშენებლო ობიექტი, საავადმყოფო, ოფისი, პოლიციის განყოფილება, სახანძრო და ა.შ.)